Esti sábadu tuvo llugar el II Filandón Bercianu, organizáu pola asociación cultural Faceira xunto a Paco Vuelta y Santiago Ríos. Cumo'l añu pasáu en Noceda, foi un completu ésitu y l'asistencia sobrepasóu las nuesas espectativas.
 |
| L'ambientación, conas calabazas que fueran típicas nel Bierzu. |
Esti añu, amás del filandón ya'l magostu (o amagüestu) tuvimos una par d'interesantísimas charras sobre mitoloxía llocal y la Fiesta los Santos, a cargu de Nicolás Bartolomé y Miguel Ángel González (que revelóu un importante descubrimientu arqueolóxicu), miembros de Faceira.
 |
| Panorámica de Tere García Montes de las charras. |
El llugar yera la impresionante y tradicional Casona las Secretarias, en Torenu, qu'ayudóu asgaya p'ambientar los actos. Esti yera'l programa:
18:00 Introducción a cargo de Alejandro Díez González y Paco Vuelta.
18:15 “Tradiciones mitológicas de El Bierzo y zonas próximas“, por Nicolás Bartolomé Pérez.
18:45 “La Fiesta de Los Santos en el arte rupestre prehistórico“, por Miguel Ángel González.
19:15 Filandón.
20:00 Magosto.
 |
| Charra de Nicolás sobre Mitoloxía tradicional. |
 |
| Charra de Miguel Ángel sobre'l Día los Santos. |
En principiu l'aforu yera llimitáu pa unos 60 paisanos, pero al final entroron cumo unos 80. Contamos con varios gaiteiros y músicos, cumo Xairu López, Xaime (d'Asturies) y Fran Allegre. Al final tocóu'l rabel Mario González Álvarez, de La Robra, que encandilóu a todu'l mundu cono sou buen facer y simpatía.
 |
| Mario González. |
Hubo castañas asgaya, vinu, oruxu, mostu y zumu pa tódolos presentes. Un día bien prestosu pa tódolos que tuvimos la suerte d'estar eillí.
 |
| El impresionante tambore. |
Entradas
1 comentarios:
Ai, que fartura castañas.....
You touve eillí, ya paséilo cumo los indios. Pa outra, hai que volver.
Un fuerte abrazu,
Xaime
Publicar un comentario