OSEYA DE SAYAMBRE: V XORNADA DE PATRIMONIU LLINGÜÍSTICU Y CULTURAL

31 de agosto de 2015

Esti sábadu 29 d'agostu foi la V Xornada de Patrimoniu Llingüísticu y Cultural, organizada por El Teixu n'Oseya (Sayambre), y en colaboración col Ayuntamiento sayambriegu. Ye'l quintu añu d'una actividá bien prestosa que va faciéndose por distintos llugares de la provincia de Llión. La I Xornada foi montada'l 26 de marzu de 2011 n'Estorga pola "Plataforma de Asociaciones en Defensa del Leonés y del Gallego"; la II foi en Llión, organizada por El Teixu, y celebróuse dous días (del 6 al 7 de santamarina de 2012); la III foi en Viḷḷablinu, entamada pola Asociación Faceira y el grupu Tsuniegu'l 13 d'abril de 2013; y la IV foi na Cepeda'l 19 de santamarina de 2014, tamién organizada por Faceira. 

Estas Xornadas son una gran oportunidá pa que la xente seya consciente de la sua llingua tradicional, siempres ocultada pola vergüenza de "hablar mal". Amás, las ponencias son bien interesantes sobre la toponimia, los costumes, la música, etc., cono que los paisanos pásanlo mueito bien. 

Presentación de la Xornada por Iván Cuevas y la conceyala de Cultura de Sayambre, Josefa Fernández.
Pa entamar esta vez houbo un invitáu de luxu, Xosé Ambás, que ye mui famosu n'Asturias polos sous programas na televisión del Principáu dedicaos a la música tradicional. Ambás tien encuestada toda la zona, polo qu'en compañía de Ramsés Ilesies fizo un recorríu polos instrumentos y las canciones y las danzas de Sayambre.  

Ramsés Ilesies (esquierda) y Xosé Ambás (dereita).


Cumo siempres, Ambás ganóu la simpatía de las paisanas presentes, que-y dioron mueitas informaciones interesantes, amás de confirmar los nomes llariegos de los puebros y la comarca sayambriegos. Pa rematar ficieron la danza cona que s'acababan las fiestas na comarca. 


Antias de dir a xantar, Ambás quedóu conas muyeres pa encuestar dalgunas cousas que salieron na sua intervención, porque, amás d'enseñar, Ambás y Ramsés tamién deprenden nas suas actuaciones...


A la tarde Ramón Sordo Sotres, autor de mueitos llibros sobre la toponimia de la comarca, falóu sobro "Enteradores de Sayambre, Valdión y otros conceyos". Un "enterador" ye un informante de toponimia, cumo un pastor, una paisana, etc. 


Desiguida, Javier Valentín Rodríguez Bulnes presentóu'l sou llibru "El habla de Maraña", puebru que nun está na comarca, pero que queda bien cerca tanto nel espaciu cumo na forma de falar. La obra ye un vocabulariu arrecoyíu pol autor a lo llargo de la sua vida, ensin nengún apoyu institucional, dalgo bastante común cuando se trata de llingua tradicional en Llión.


Despuéis falóu el profesor Gonzalo Barrena, faciendo un recorríu pola toponimia cona conferencia "Los Beyos del Sella: geografía extrema y modos de nombrar", bien prestosa y interesante enforma.


Pa rematar la parte académica, foi la conferencia y presentación de "Notas y cuadernos de notas de los Piñán, escribanos públicos de Sayambre (1659-1721)", por Elena E. Rodríguez Díaz, profesora y paleógrafa cona que tuve'l pracer de falar na xanta. Foi una intervención bien interesante, porque amostróu la forma na que los escribanos de la zona representaban la fala autóctona.



Pa rematar la Xornada. Fran Allegre presentóu el sou llibru de poemas "Deixando'l cuerpu" y tocóu varias canciones tradicionales llionesas.


La participación foi un éxitu, porque las escuelas estuvieron chenas, y n'ocasiones houbo xente de pía. Ya s'está trabayando na próxima Xornada, que será organizada por Faceira. 

0 comentarios:

Related Posts with Thumbnails